الارهاب يحارب النظام بسلاحه : باعترافهم اي سيارة مارسيدس أو مفيمة نخاف من تفتيشها / مابتعرف انا ابن مين وإذا بها سيارة مليئة متفجرات

احد الضباط الشرفاء من حواجز جبلة يوجه لكم رساله وتمنى منكم ان تسمعوه ... نحنا يا غالي كل سيارة مارسيدس أو مفيمة ما منوقفها و اذا وقفناها ما منقدر نطلب الهوية حتى ما يطلع مسؤول أو ابن مسؤول يبهدلنا و يقلنا... مابتعرف انا ابن مين نحنا يا غالي منفتقر أبسط الأجهزة للكشف عن العبوات الناسفة نحنا يا غالي قاعدين بالشوارع متل الـ ... حتى نحافظ على أمان الناس وك كاسة شاي ما بيضيفونا ب هالبرد... نحنا يا غالي اذا وقفنا السيارة دقيقة منسمع المسبة و منبلعها و كلمة الله يعطيكن العافة ما سمعناها من 6 سنين نحنا يا غالي كل سيارة نمرتها جيش أو شرطة ما منقربها حتى ما نتبهدل نحنا يا غالي منتمنّى نروح نحارب بالصحرا و ما نبقى دقيقة بين الناس وك قرفنا رب الحياة... ارحمونا و لا تخوّنونا مافي سوري بيمرّق سيارة مفخخة حتى يقتل أهلو غير ابن الحرام و حواجز باكيت الدخان و حواجز مرحبا ضيعااا...أهلااا حبيب هدول احتمال يمرّقو كيماوي و ما حدا يحس.... ارحمونا و افضحو الواسطات....مو نحنا الفقيرين .. نقلا عن صفحة ميكانيكي ازمه https://www.facebook.com/news.jableh.agency/