هذا الرجل اختفى اربعة وعشرون فردا من عائلته دفعة واحدة

اختفت بنته الاولى حنان ومعها عائلتها المكونة من 12 شخص بس طلعوا من الحصار من منطقة يلدا بريف دمشق وبعد ما قطعوا يلدا اختفوا وما انعرف عنهم شي لهلق ... وبعدها بيومين اختفت بنته الثانية عائشة مع زوجها وولادهن الاربعة ... كمان بعد ما طلعوا من منطقة الحصار بيلدا ولليوم ما حدى عرف عنهم شي ... ولاده محمد و احمد و(نبيل + ابنه ) وماهر ( يعني اربع شباب وحفيد ) طلعوا من يلدا وفكرهن يطلعوا ورا حنان وعائشة وكمان اختفوا وماحدى عرف عنهم شي لليوم... 24 شخص من اسرة وحدة اختفوا من دون أي اثر ... ومابقي منهم غير الاب وابنه وزوجات الشباب المفقودين كمال العجان ( أبو محمد ) صاحب هالصورة هو اب لعائلة اختفت ولما بيحكي عن ولاده واحفاده المفقودين بتلاقي الغصة والحرقة والحسرة والوجع عم يطلع من بين كلامه ... عن الوجع السوري وحرقة القلب اتحدث ... عن الختيار ابو محمد وقصة وجع وقهر ... والله لا يذوقها لحدى ... ويا الله مالنا غيرك يا الله